Bos días,

Desde a Deputación de Pontevedra e a través do Servizo de Xuventude e Reto Demográfico estamos a elaborar o I Plan estratéxico de xuventude da provincia. Deste xeito, precisamos coñecer as necesidades e inquedanzas da mocidade, pois non tería sentido redactar un documento para a xuventude sen contar co seu punto de vista.

Por tanto, se tes entre 15 e 34 anos e vives na provincia de Pontevedra, invitámoste a colaborar a través desta enquisa. Ao realizala, entrarás no sorteo de dous premios:

1.º premio: dúas entradas de balde para un dos Rías Baixas Fest, patrocinados pola Deputación de Pontevedra

2.º premio: unha tableta Lenovo Tab M10.

A enquisa estará dispoñible desde o 29 de novembro de 2024 ata o 31 de xaneiro de 2025.

Pódese acceder a través da seguinte ligazón: https://www.encuestafacil.com/respweb/cuestionarios.aspx?EID=2965167

Voltamos a clase !!!!!

Remata o verán e comezamos un curso máis. Na web do IES está o calendario de acollida para este curso 2024-2025

Recollida de libros para préstamo da anpa

Aprezadas familias

Dende o luns 24 ao venres 28 de xuño estaremos no local no horario de 12:30 a 13:30 para recoller os libros que queirades doar.

As solicitudes se farán no formulario de google 

Moitas grazas pola vosa colaboración. Bo verán

 INFORMACIÓN PARA AS FAMILIAS

Cheganos esta información dende Foanpas para aqueles alumnos interesados en estudar Portugués.

En primeiro lugar os/as estudantes deben saber que teñen dereito recoñecido a estudar Portugués como primeira ou segunda lingua estranxeira. Iso pode ser interesante para moita xente por varios motivos, entre eles:
- Porque teñen Inglés atravesado.
- Porque queren subir a nota media de bacharelato.
- Para examinarse de Portugués na ABAU e conseguir unha nota máis alta.

Sen dúbidas, o ideal é que o IES oferte esa materia pero non sempre é posible (número mínimo de estudantes, dispoñibilidade de profesorado, etc).

A alternativa é cursala a distancia no IES San Clemente de Santiago de Compostela. Só teñen que solicitalo na Dirección do seu centro e esta pedirá autorización á Inspección. É un mero trámite, sempre o conceden. O seguimento das explicacións faise a través dunha aula virtual e os exames trimestrais poden facerse en calquera das grandes cidades galegas.

Aquí tedes máis información:

https://www.dpgaliza.org/portfolio/amor-a-primeira-vista/

FONDO DE LIBROS

 

FONDO LIBROS E AXUDA MATERIAL CURSO 2024/25

ORDE DO 7 DE MAIO DE 2024.

PRAZO DE SOLICITUDE: DENDE O 21 DE MAIO ATA 21 DE XUÑO(ámbolos dous inclusive)

LISTA PROVISIONAL DE ADMITIDOS E EXCLUIDOS: 12 DE XULLO

RECLAMACIÓN: 15 E 16 DE XULLO

LISTA DEFINITIVA DE ADMITIDOS: 26 DE XULLO

INFORMACIÓN

FORMAS DE PRESENTACIÓN DA SOLICITUDE:

• Na secretaria do centro. solicitude castelan solicitude galego
• De maneira telemática, a tráves:
  • www.edu.xunta.gal/fondolibros
  • https://sede.xunta.gal

EXCURSIÓN ÁS ILLAS CÍES!!!!!

ACTIVIDADE ABERTA A SOCIOS E NON SOCIOS

O prazo de inscrición é do 23 ao 26 de abril (ou ata esgotar as prazas) no local da Anpa en horario de 9:15 a 9:45 (de luns a venres) e de 16:00 a 17:00h (martes ). O pago se fará en efectivo no momento da inscripción.

As prazas son limitadas e asignaranse por rigoroso orde de inscrición.

Se precisas máis información envíanos un correo electrónico a anpapenicheies@gmail.com.

Bulide que nos vamos!

 Podes descargar a inscrición aquí.

Becas MEC

 Bo día

está aberta a convocatoria de becas para alumnado que curse Bacharelato, FP e outros estudos non universitarios

PRAZO SOLICITUDE:   desde o día 19 de marzo de 2024 ás 09:00h ata o 10 de maio de 2024, ás 15:00h hora peninsular, ambos inclusive.
SOLICITUDES:  A través da sede electrónica do MInisterio de Educación e Formación Profesional

https://sede.educacion.gob.es

https://www.educacionyfp.gob.es/